युरोपा लिगमा आज बार्सिलोना र म्यानचेस्टर युनाइटेड भिड्दै

यूईएफए युरोपा लिग फुटबलमा आज अन्तिम १६ प्रवेशका लागि नकआउट प्ले अफ चरणका खेलहरू हुँदैछन् । १६ टिमले ८ खेलमा प्लेफ खेल्नेछन् प्लेअफमा युरोपा लिगको समूह चरणका खेलमा दोस्रो स्थानमा रहेका ८ टिम (C समूहका ८ टिम) र च्याम्पियन्स लिगको समूह चरणका तेस्रो स्थानमा रहेर प्रतियोगिताबाट आउट भएका ८ (८ समूहका ८ टिम) टिम गरी १६ टिमबी ड्र गराइन्छ । यो प्लेअफ खेलेर विजेता बनेका टिमले युरोपा लिगको समूह चरणमा आफ्नो समूहको विजेता बनेर सोझै अन्तिम १६ प्रवेश गरेका ८ टिम बीच ड्र गराइन्छ ।

यसको अर्थ युरोपा लिगको समूह चरणमा समूह विजेता बनेका ८ टिमले सोझै अन्तिम १६ मा प्रवेश पाउँछन् तर, दोस्रो स्थानमा रहेका ८ टिमले भने च्याम्पियन्स लिगको समूह चरणमा तेस्रो बनेर आउट भएका टिमसँग प्लेअफमा प्रतिस्र्धा गर्नुपर्छ । यो प्लेअफ जितेका टिमले सोझै युरोपा लिगको समूह चरणमा विजेता बनेका टिमसँग खेल्नुपर्ने छ । प्लेअफमा पनि होम एन्ड अवे गरी २ लेगका खेल हुनेछन् । जहाँ समग्रमा जित निकाल्ने टिम अन्तिम १६ मा प्रवेश गर्नेछन् ।

नकआउट प्ले अफ चरणका ८ वटा सबै खेल आज राति दुई फरक-फरक समयमा हुनेछन् ४ खेल एक समय र बाँकी ४ खेल अर्को समयमा हुनेछन् । प्ले अफ चरणमा हुने खेल मध्ये सबैभन्दा हेभिवेट र रोमाञ्चक खेलमा स्पेनको क्लब बार्सिलोना र इंग्लिस प्रिमियर लिगको म्यानचेस्टर युनाइटेड बीच हुनेछ

च्याम्पियन्स लिगका पूर्वच्याम्पियन क्लब समेत रहेका यी दुईले यसपटक युरोपा लिगको अन्तिम १६ प्रवेशका लागि प्लेअफमा खेल्न लागेका हुन् । बार्सिलोना पछिल्ला दुई सिजन लगातार ब्याक टु ब्याक च्याम्पियन्स लिगको समूह चरणबाटै आउट भएर युरोपा लिग खेलिरहेको

छ ।

प्लेअफको सबैभन्दा आकर्षक खेलमा बार्सिलोना र युनाइटेड भिड्दा पहिलो लेगको खेल आज राति बार्सिलोनाको घरेलु मैदान क्याम्प नोउमा ठीक ११:३० बजेबाट हुने तालिका रहेको छ । बार्सिलोना र युनाइटेड अन्तिमपटक सन् २०१९ मा च्याम्पियन्स लिगको क्वार्टरफाइनलमा भिडेका थिए । जहाँ लियोनल मेस्सी र फिलिपे कोटिन्हो सहितको बार्सिलोनाले युनाइटेडलाई समग्रमा ४–० को - फराकिलो अन्तरमा पराजित गरेको थियो । दोस्रो लेग बार्सिलोनाको घरमा हुँदा सो खेलमा

मेस्सीले २ गोल र कोउटिन्होले पनि १ गोल गरेका थिए सो खेल भएको ४ वर्षपछि यी दुई टिमको भेट युरोपा लिगमा हुन लागेको हो ।

प्लेअफमा हुने अन्य आकर्षक खेलहरूमा अस्ट्रियाको क्लब आरबी साल्नवर्ग भर्सेस इटालीको रोमा भिड्नेछन् । नेदरल्यान्ड्सको आयाक्स र जर्मनीको क्लब युनियन बर्लिनको खेल पनि हुनेछ त्यसैगरी, इटालीको युभेन्टस र फ्रान्सको नान्टेस पनि भिड्नेछन् । जर्मनीको बायर लेभरकुसेन र फ्रान्सको मोनाको बीचको खेल पनि आजै हुनेछ । सुरुआती ४ खेल राति ११:३० बजेबाट र बाँकी ४ खेल मध्यराति १:४५ बजेबाट सुरु हुनेछन् ।