लिभरपुलको धुलाई गर्दै रियल मड्रिडले गर्यो उत्कृष्ट कमब्याक जित

 

युइएफए च्याम्पियन्स लिग अन्तर्गत लिभरपुल र रियल मड्रिड बिच भएको खेलमा रियल मड्रिडले उत्कृष्ट कमब्याक जित हासिल गरेको छ। लिभरपुलको घरेलु मैदान एन फिल्डमा भएको खेल रियलले ५ २ को फराकिलो गोलअन्तरले पराजित गर्यो। खेलको सुरुवाती १५ मिनेटमै २ गिलको अग्रता लिएको लिभरपुल त्यसपछि सम्हालिन नसक्दा हार व्यहोर्नु पर्यो। 

लिभरपुलको लागि खेलको ४औ मिनेट मै Nunez ले गोल गर्दै अग्रता दिलाएका थिए। त्यसको १० मिनेट पछि १४औ मिनेटमा रियल मड्रिडका गोलकिपरको गल्तीमा Salah के गोल गर्दै टोलीलाई २ ० को अग्रता दिलाएका थिए। 

यता रियल मड्रिडका लागि Vinicius Jr. ले खेलको २१औ मिनेटमा गोल गर्दै टोलीलाई खेलमा फर्काए। ३६औ मिनेटमा लिभरपुलका गोलकिपरले हानेको बल Vinicius Jr. लाई लागि गोल गयो र खेल २ २ को बराबरीमा आयो। 

दोस्रो हाफको दोस्रो मिनेटमै इडर मिलिटायोले उत्कृष्ट हेडिङ गोल गर्दै टोलीलाई अग्रता दिलाए। लगत्तै खेलको ५५औ मिनेटमा रियल मड्रिडका लागि बेन्चमाले चौथो गोल गरे। &७औ मिनेटमा बेन्जमाले आफ्नो ब्यक्तिगत दोस्रो गोल गर्दै खेललाई ५ २ गोल अन्तरमा पुर्याए।